ՆԱՏՕ համակարգին ռուսական Ս-400 հրթիռային համակարգերի ինտեգրման դեպքում կարող են խնդիրներ առաջանալ։ Այս մասին հայտարարել է Հյուսիսատլանտյան դաշինքի գլխավոր քարտուղար Յենս Սթոլթենբերգը՝ Լոնդոնի համալսարանում դասախասության ժամանակ, փոխանցում է ՏԱՍՍ-ը։
Նրա խոսքով՝ ռուսական Ս-400-ների ձեռքբերումը Թուրքիայի ազգային որոշումն է, սակայն ՆԱՏՕ-ի համար էական է, որ այդ համակարգը պետք է ինտեգրվի ՆԱՏՕ-ի հակաօդային պաշտպանության համակարգին։ «Դա շատ բարդ է Ս-400-ների դեպքում։ Թուրքական կողմի հայտարարություններից հետեւում է, որ նրանք չեն պատկերացնում, որ այդ համակարգը կինտեգրվի ՆԱՏՕ համակարգին։ Այսպիսի դիմում թուրքական կողմից չի եղել»,-նշել է նա։
