Մեքսիկայի Օահակա նահանգի Սան Ֆրանցիսկո Իխուաթլան քաղաքում բռնաբարության մեջ կասկածվողին նետել են կոկորդիլոսներով ազատավանդակը, գրում է Newsweek-ը։

20-ամյա տղամարդուն նաեւ մեղադրել են երկու այլ կանանց նկատմամբ սեռական հանցագործության մեջ։ Նրանցից մեկին տղամարդը փորձել է սպանել, երբ նա դիմադրություն է ցույց տվել։

Զայրացած ամբոխը հասել է ոստիկանության բաժանմունք եւ տղամարդուն հասցրել մոտակա պուրակ, որտեղ նրան մերկացրել են, ծեծել, ապա նետել երկու կոկորդիլոսներով ազատավանդակը։ Տղամարդուն փրկել են ոստիկանները։ Չնայած կենդանիները չեն հասցրել վնասել տղամարդուն, բայց նա լուրջ վնասվածներ է ստացել ծեծի ժամանակ։ Նրան անգիտակից վիճակում տեղափոխել են հիվանդանոց։