ՌԴ Քննչական կոմիտեն հայտարարել է, որ Կեմերովոյի «Զիմնայա վիշնյա» առեւտրի կենտրոնում հրդեհի հետեւանքով զոհվել է 60 եւ ոչ թե 64 մարդ, ինչպես հաղորդվել էր ավելի վաղ։ Այս մասին են վկայում գենետիկ փորձաքննության եւ անհայտ կորածների մասին դիմումների ստուգումները։

Փորձագետներին հաջողվել է պարզել բոլոր զոհերի ինքնությունը։ Տրվել է 37 դիակների հուղարկավորության թույլտվություն, եւս 23 թույլտվություն տրամադրվել էր ավելի վաղ։