Այն ինչ հիմա տեղի է ունենում Հայաստանում, երբեք առաջ չի կատարվել: Այս մասին ARTN հայկական հեռուստաալիքին տված հարցազրույցում ասել է հայտնի երաժիշտ Սերժ Թանկյանը:
Նրա խոսքով՝ Հայաստանում մշակութային հեղափոխություն է կատարվում եւ այն արդեն հաղթել է: Բողոքի շարժումը, որին մասնկացում են մեծ թվով երիտասարդներ, ցույց է տալիս, որ Հայաստանն արդեն փոխվել է եւ երբ այդ երիտասարդներն ապագայում գան իշխանության, ապա այլ կերպ կղեկավարեն երկիրը:
«Ես շոնրհակալ եմ բոլոր այդ երիտասարդներին նրա համար, որ նրանք մեզ ոգեշնչում են դառնալ լավագույն ակտիվիստներ եւ պայքարել արդարության համար»,- ասել է Թանկյանը, հավելելով, որ այսօրվա բողոքի ակցիաների ժամանակ նա տեսնում է այն դեմքերի արտահայտությունները, որոնք նա առաջին անգամ տեսել է 2015-ին Երեւանում System of a Down-ի համերգին:
«Համերգի ժամանակ ես նոր Հայաստան տեսա, ես հուզված էի: Նույն դեմքերը ես տեսա այսօր»,- ասել է նա:
Թանկյանը կոչ է արել Հայաստանի բոլոր քաղական ուժերին կանգնել ժողովրդի կողքին: Նրա կարծիքով՝ Հայաստանի վարչապետը պետք է գիտակցի, որ մարդիկ հոգնել են եւ եթե նա մնա, ապա դա վտանգավոր իրավիճակի կհանգեցնի:
