Հաագայում ապրիլի 23-ին՝ երկուշաբթի, Քրեական տրիբունալների միջազգային մնացորդային մեխանիզմը սկսել է բոսնիական սերբերի նախկին քաղաքական առաջնորդ Ռադովան Կարաջիչի դատավճռի բողոքարկման քննարկումը:
Ակնկալվում է, որ դատական լսումը կտեւի երկու օր, հաղորդում է DW-ն:
Ինչպես հայտնել է 72-ամյա Կարաջիչի փաստաբան Պիտեր Ռոբիսնսոնը, 2016-ին դատարանը նրա պաշտպանյալի հանդեպ արդար չի եղել, քանի որ նախկին Հարավսլավիայի Միջազգային տրիբունալի անդամները նախօրորք Կարաջիչին մեղավոր էին համարել:
Այդ ժամանակ նա դատապարտվել էր 40 տարվա ազատազրկման: Այժմ դատավորները պետք է արդարացնեն Կարաջիչին եւ նոր դատավարություն նշանակեն, կարծում է փաստաբանը:
Ընդ որում այդ մեղադրական կողմը նույնպես բողոքարկել էր դատավճիռը, քամի որ Կարաջիչի համար ցմահ բանտարկություն էր պահանջում: