Հանրապետության հրապարակում հերթապահում է շտապօգնության 6 մեքենա մասնագիտական բրիգադներով եւ առաջին բուժօգնության անհրաժեշտ միջոցներով։
ՀՀ առողջապահության նախարարությունից NEWS.am-ին հայտնում են, որ մեքենաները տեղակայված են նախկին ՀՀ արտաքին գործերի նախարարության դիմաց, ՀՀ կառավարության կենտրոնական շենքի ժամացույցի տակ, «Արմենիա Մարիոթ» հյուրանոցի, ինչպես նաեւ ՀՀ տրանսպորտի, կապի եւ տեղեկատվական տեխնոլոգիաների նախարաության մոտակայքում։
Նշենք, որ այսօր՝ ապրիլի 23-ին Սերժ Սարգսյանը հրաժարական է տվել վարչապետի պաշտոնից:
