2017 թվականի Հայաստանի Հանրապետության բյուջեի գերակատարված ցուցանիշները թույլ կտան նվազեցնել եկամտահարկը: Այս մասին ապրիլի 27-ին լրագրողների հետ հանդիպման ժամանակ հայտարարել է ՀՀ Պետական եկամուտների կոմիտեի նախագահի առաջին տեղակալ Կարեն Բրուտյանը` հավելելով, որ դա հնարավոր կդառնա, եթե միտումը շարունակվի նաեւ 2018 թվականին:
Այնուամենայնիվ, ըստ նրա, 4 ամիսների արդյունքներով բյուջեի ցուցանիշներն արդեն իսկ գերազանցել են 14.1 մլրդ դրամը: «Սա փոքր հնարավորություն չէ, եթե միտումը շարունակվի մինչեւ 2018 թվականի վերջ»,- նշել է Բրուտյանը:
Հիշեցնենք, որ, հունվարի 1-ից ուժի մեջ մտած Հայաստանի նոր հարկային օրենսգրքի համաձայն, եկամտահարկի սանդղակը փոխվել է: Նախկինում 120 հազար դրամ ամսական աշխատավարձ ունեցող քաղաքացիների համար այն 24.4 տոկոս էր կազմում, այժմ 150 հազար դրամ աշխատավարձ ստացող քաղաքացիների համար եկամտահարկը կազմում է 23 տոկոս: 150 հազար դրամից մինչեւ 2 միլիոն դրամ աշխատավարձ ստացող քաղաքացիների համար հարկը 26.6 տոկոսից աճել է մինչեւ 28 տոկոս: Նրանց համար, ովքեր 2 մլն դրամից բարձր աշխատավարձ են ստանում, հարկը չի փոփոխվել՝ 36 տոկոս:
Պետեկամուտների կոմիտեի տվյալներով՝ Հայաստանի պետական բյուջե հարկային եկամուտների ներհոսքի ծավալը 1.202 տրլն դրամ է կազմել՝ տարեկան 11.6 տոկոս աճով: