Ատոմային էներգիայի միջազգային գործակալությունը (ԱԷՄԳ) հաստատել է, որ վստահելի տեղեկության չի տիրապետում 2009 թվականից հետո միջուկային զենքի մշակմանն ուղղված Իրանի գործունեության մասին։ ԱԷՄԳ տնօրենների խորհուրդը եկել է այն եզրահանգման, որ այդ հարցը փակված է 2015 թվականին ներկայացված զեկույցի հիման վրա։ Այս մասին նշված է ԱԷՄԳ հայտարարությունում, փոխանցում է DW–ն։
Այս փաստաթուղթը բաց է թողնվել Իսրայելի վարչապետ Բենիամին Նեթանյահուի հայտարարության հաջորդ օրը։ Նեթանյահուն հայտարարել է, որ երկիրը ապացույցներ ունի, որ Իրանը միջուկային զենքի մշակման գաղտնի ծրագիր ունի, որը կարող է վերականգնվել ամեն պահի։
ԱՄՆ–ն Իսրայելի հայտարարությունը գնահատել է որպես վստահության արժանի։ Ըստ Իսրայելի բարձրաստիճան ներկայացուցչի՝ ԱՄՆ–ն համաձայնել է, որ Իսրայելը այս մեղադրանքը առաջ է քաշել մայիսի 12–ի նախօրեին, երբ կորոշվի Իրանի միջուկային գործարքից ԱՄՆ դուրս գալու հարցը։
ԱԷՄԳ–ն ուղղակիորեն չի մեկնաբանել Նեթանյահուի մեղադրանքները՝ մատնանշելով, որ չի հրապարակայնորեն չի քննարկում նմանատիպ տեղեկության հետ կապված հարցերը, բայց հավելել է, որ ԱԷՄԳ–ն կգնահատի անվտանգությանը վերաբերող եղած տեղեկությունը։
