Ուկրաինայի հայերի միությունը Հայաստանի իրադարձությունների կապակցությամբ արտահերթ համաժողով է հրավիրում, հաղորդում է AnalitikaUA.net-ը` հղում անելով Ուկրաինայի հայերի միության մամուլի ծառայությանը:

Մայիսի 3-ին Կիեւում կկայանա Ուկրաինայի հայերի միության արտահերթ համաժողովը: Հանդիպման օրակարգի հիմնական կետը լինելու է Հայաստանի ներկա քաղաքական իրավիճակը:

Խնդիրը քննարկելու նպատակով մայրաքաղաքում ամբողջ Ուկրաինայից հավաքվելու են հայկական համայնքների տարածաշրջանային ներկայացուցիչները եւ ղեկավարները:

Ուկրաինայի հայկական եկեղեցիներում Հայաստանի խաղաղության համար աղոթքներ են անցկացվում: