Ես իմ կարծիքը կհայտնեմ մայիսի 8-ին: Այս մասին այսօր՝ մայիսի 4-ին, ԱԺ-ում լրագրողների հետ զրույցում նշեց ԱԺ նախագահ Արա Բաբլոյանը՝ անդրադառնալով հարցին, թե մայիսի 8-ին, ԱԺ-ում վարչապետի ընտրությունների ժամանակ արդյոք կողմ է քվեարկելու Նիկոլ Փաշինյանի թեկնածությանը:
Հարցին, թե արդեն ունի՞ որոշում, թե ինչպես է քվեարկելու, Բաբլոյանն դրական պատասխան տվեց, սակայն նշեց, որ այդ մասին կասի միայն ամսի 8-ին:
Նշենք, որ մայիսի 1-ին ԱԺ-ում չհաջողվեց վարչապետ ընտրել, քանի որ ՀՀԿ խմբակցությունը դեմ քվեարկեց Նիկոլ Փաշինյանի թեկնածությանը: Դրանից հետո ՀՀԿ խմբակցությունը նոր որոշում է կայացրել, որ մայիսի 8-ին կայանալիք վարչապետի ընտրության երկրորդ փուլում իրենք թեկնածու չեն առաջադրի եւ կաջակցեն, որ պատգամավորների 1/3-ի կողմից ներկայացված թեկնածուն ընտրվի: Այս պահի դրությամբ վարչապետի թեկնածու է առաջադրվել Նիկոլ Փաշինյանը: