Ռուսաստանի տարբեր քաղաքներում «Նա մեզ համար ցար չէ» բողոքի ցույցերի ժամանակ ավելի քան 200 մարդ է կալանավորվել, հայտնում է «ՕՎԴ-Ինֆոն»։
Առավել շատ կալանավորվածները Յակուտսկում են՝ 74 մարդ։ 39 մարդ էլ կալանավորվել է Չելյաբինսկում, 43-ը՝ Կրասնոյարսկում, 26-ը՝ Նովոկուզնեցկում, 10-ը՝ Բարնաուլում։
Կեմերովոյում կալանավորվել են երկուսը, Մոսկվայում՝ 3 հոգի, Պենզայում՝ 7-ը, մեկական մարդ է կալանավորվել Սամարայում եւ Տոմսկում։ Կուրգանում ցույցի մասնակիցները կալանավորվել էին մինչեւ ցույցը։ Ընդհանուր առմամբ՝ կալանավորվել է 207 մարդ։
Մոսկվայում կալանավորվածների թվում է Նավալնիի շտաբի աշխատակից Նիկոլայ Լյասկինը։
«Նա մեզ համար ցար չէ» բողոքի ցույցերը տեղի են ունենում մայիսի 5-ին ամբողջ երկրով։ Մոսկվայում ու Սանկտ Պետերբուրգում դրանք համաձայնեցված չեն, հայտնում է «Դոժդը»։
