Մահացել է ամերիկացի լրագրող ու գրող Թոմ Վուլֆը, որը «նոր լրագրության» հիմնադիրն է եղել՝ 1970-ականների շարժում, որը հռչակել էր սահմանների վերացում լրագրության ու գրականության միջև, հայտնում է BBC-ն։
Վուլֆը 87 տարեկան էր։ Նա մահացել է Մանհեթենի հիվանդանոցում, որտեղ նրան տեղափոխել էին ինֆեկցիոն հիվանդությամբ։
Վուլֆը հայտնի էր դարձել էսսեների իր The Kandy-Colored Tangerine Flake Steamline Baby հավաքածուի շնորհիվ։ Դրան հաջորդել էր «Էլեկտրազովացուցիչ թթվային թեստ» փաստագրական վեպը՝ 60-ականների ամերիկյան անդերգրաունդի մասին ու «Անհրաժեշտ բան» վեպը, որը թարգմանվում է նաև «Պայքար տիեզերքի համար»:
1980-ականներից սկսած՝ Վուլֆն անցել էր գեղարվեստական վեպերի՝ հայտնի են նրա «Նկրտումների խարույկները», «Ես Շարլոտա Սիմոնսն եմ» վեպերը։
Վուլֆը տեսարժան կերպարներից էր Մանհեթենում, որտեղ ապրել է վերջին 50 տարիներին, գրում է New York Times թերթը։ «Բարձրահասակ, սլացիկ, կապուտաչյա, երիտասարդ տեսքով ու թանկարժեք կոստյումով, մետաքսե գծավոր ու բարձր օձիքով վերնաշապիկով, գրպանից պատկերավոր երևացող վառ գույնի թաշկինակով, սպիտակ կոշիկներով։ Երբ նրան մի անգամ խնդրել են մի բառով նկարագրել իր կերպարանքը՝ նա պատասխանել է «Նեոպրետենցիոզ»։