Ֆրանսիական Total նավթագազային ընկերությունը հայտարարել է, որ չի կարող շարունակել Հարավային Փարս իրանական հանքավայրի 11-րդ փուլի աշխատանքները Իրանի միջուկային համաձայնագրից դուրս գալու ԱՄՆ նախագահ Դոնալդ Թրամփի որոշման ֆոնին, հայտնում է Reuters-ը։
«2018 թվականի մայիսի 8-ին ԱՄՆ նախագահ Դոնալդ Թրամփը հայտարարել է Իրանի միջուկային համաձայնագրից դուրս գալու եւ մինչեւ գործարքի կնքումը գործած պատժամիջոցների վերականգնելու Միացյալ նահանգների որոշման մասին»,-նշված է հայտարարությունում։
Սրա հետ կապված Total-ը չի կարող շարունակել Հարավային Փարս իրանական հանքավայրի 11-րդ փուլի աշխատանքները։ Ընկերությունը ստիպված կլինի դադարեցնել բոլոր գործողությունները մինչեւ այս տարվա նոյեմբերը, եթե չստանա ԱՄՆ հատուկ թույլտվությունը ֆրանսիական եւ եվրոպական իշխանությունների աջակցությամբ։
