News
Լրահոս
News
Հինգշաբթի
Հոկտեմբեր 18
Տեսնել լրահոսը

ՀՀ վերահսկիչ պալատի խորհրդի 2017թ. օգոստոսի 28-ի որոշման հիման վրա ՀՀ արդարադատության նախարարության դատական ակտերի հարկադիր կատարման ծառայությունում իրականացվել է 2016-2017թթ. ընթացքում պետական բյուջեից հատկացված միջոցների օգտագործման, բյուջետային մուտքերի ապահովման եւ սեփականության կառավարման նկատմամբ վերահսկողություն:

Դատախազությունից NEWS.am-ին հայտնում են, որ արդյունքների վերաբերյալ  հաշվետվությունը հարակից փաստաթղթերով 2018թ. մարտի 22-ին ուղարկվել է ՀՀ գլխավոր դատախազություն, որտեղ ուսումնասիրության արդյունքում ի հայտ են բերվել քրեաիրավական, գույքային եւ կազմակերպաիրավական բնույթի խախտումներ:

Արդեն տեղեկացվել է, որ ՀՀ գլխավոր դատախազությունում ՀՀ քրեական օրենսգրքի 184-րդ հոդվածի 2-րդ մասի 1-ին կետի եւ 315-րդ հոդվածի 2-րդ մասի հատկանիշներով հարուցվել է 4 քրեական գործ՝ խաբեության եղանակով վարչական տուգանքները վճարելուց խուսափելու, այդ կերպ առանձնապես խոշոր չափերի վնաս  պատճառելու եւ պետական ծառայություն իրականացնող պատասխանատու պաշտոնատար անձանց կողմից այլ ծանր հետեւանքներ առաջացրած պաշտոնեական անփութություն կատարելու դեպքերի առթիվ:

Հարուցված քրեական գործերը նախաքննություն կատարելու համար ուղարկվել են ՀՀ հատուկ քննչական ծառայություն:

Արձանագրված մյուս խախտումների հետ կապված՝ գրություններ են ուղարկվել ՀՀ հաշվեքննիչ պալատ, ՀՀ ոստիկանության «Ճանապարհային ոստիկանության» եւ ՀՀ արդարադատության նախարարության դատական ակտերի հարկադիր կատարման ծառայություններ՝ դրանք հիմնավորող լրացուցիչ փաստաթղթեր եւ նյութեր ներկայացնելու պահանջով:

Ի պատասխան դրանց ստացված լրացուցիչ փաստաթղթերը եւ նյութերը կուսումնասիրվեն եւ դրանց հիման վրա արձանագրված մյուս խախտումներին եւս կտրվեն անհրաժեշտ գնահատականներ: Բացի այդ կկիրառվեն դատախազական ներգործության անհրաժեշտ միջոցներ, մասնավորապես՝ պետական շահերի խախտման պատճառները եւ նպաստող պայմանները վերացնելուն ուղղված  միջնորդագրեր կներկայացվեն ՀՀ ոստիկանության «Ճանապարհային ոստիկանության» եւ ՀՀ արդարադատության նախարարության դատական ակտերի հարկադիր կատարման ծառայություններ, որոնց վերաբերյալ եւս հասարակությանը պատշաճ կտեղեկացվի:

Տպել
Կարդացեք նաև
Ամբողջը
«Ժողովուրդ». ՀՀԿ-ն քաղաքացիների թիկունքում դավեր է նյութել. Աջ ղեկով հայկական 130 մեքենա «գերի է» մնացել սահմանին
Ինչ խոսք, դա ՀՀԿ-ին հատուկ ձեռագիր է...
Ռուսաստանը պատրաստ է Հայաստանի հետ կիսվել բարդ դեղամիջոցների արտադրության տեխնոլոգիաներով. Պաշտոնյա
Ցուցահանդեսի հովանավորը «Մուլտի Գրուպ» կոնցեռնն է...
Մոնիթորինգ «Վեոլիա Ջուր»-ում. ՀԾԿՀ-ն հայտնաբերվել են ապօրինի ջրօգտագործման 100-ից ավել դեպքեր
Ավարտվեց «Վեոլիա Ջուր» ՓԲԸ-ի կողմից մատուցվող ծառայությունների սակագների հաշվարկներում ներառվող մանրածախ ջրամատակարարման փաստացի ծավալների…
«2018 թվականի մրցունակության համաշխարհային զեկույց». Հայաստանը 2 դիրքով բարելավել է ցուցանիշը
Հայաստանն իր դիրքով հինգերորդն է՝ զիջում է Ռուսաստանին, Ղազախստանին, Վրաստանին եւ Ադրբեջանին…
Դոլարն ու եվրոն շարունակում են էժանանալ
Թանկարժեք մետաղների համար բանկի կողմից սահմանվել են հետեւյալ գները...
Փաշինյանի միակ ընդդիմությունը «տնտեսության վիճակն ու հեռանկարն է». Կարեն Ադոնց
Բոլոր զարգացած երկրները վաղուց ի վեր հասկացել են, որ իրական քաղաքականությունը տնտեսության արտացոլումն է, մնացյալը խաղ է՝ «բեմականացում»...
Ամենաշատ
Partner news