News
Լրահոս
News
Հինգշաբթի
Հոկտեմբեր 18
Տեսնել լրահոսը

Երեւանի Վաղարշյան փողոցում գտնվող «Պարմա» առեւտրի կենտրոնի մոտ 2013թ. նոյեմբերի 28-ին Արմեն Փիրոյանի սպանության փորձի գործով 13 տարվա ազատազրկման դատապարտված Աշոտ Մնացականյանն ու Արսեն Մաթեւոսյանը դիմել են Վերաքննիչ:

Նրանք պահանջում են բեկանել Երևան քաղաքի ընդհանուր իրավասության դատարանի կայացրած վճիռը, առաջադրված մեղադրանքները փոփոխել ու ճիշտ իրավական գնահատականի արժանացնել իրենց  գործողությունները: Ամբաստանյալները պահանջում են բեկանված մասով կայացնել գործն ըստ էության լուծող դատական ակտ կամ ուղարկել համապատասխան ստորադաս դատարան` նոր քննության նոր կազմով:

Հիշեցնենք, որ Երեւան քաղաքի ընդհանուր իրավասության դատարանի Կենտրոն եւ Նորք Մարաշ նստավայրում փետրվարի 26-ին, նախագահող դատավոր Աննա Մաթեւոսյանի հրապարակած դատավճռի համաձայն, Աշոտ Մնացականյանն ու Արսեն Մաթեւոսյանը մեղավոր ճանաչվեցին Քրեական օրենսգրքի 34-104-րդ հոդվածի 2-րդ մասի 7-րդ կետով եւ դատապարտվեցին 12,5 տարվա, իսկ 258-րդ հոդվածի 4-րդ մասով՝ 4 տարվա ազատազրկման: Դատարանը վերջնական պատիժ սահմանեց 13 տարվա ազատազրկում: Ամբաստանյալ Էդվարդ Թորոսյանին արդարացվեց Քրեական օրենսգրքի 34-104-րդ հոդվածի 2-րդ մասի 7-րդ կետով, իսկ մյուս մեղադրանքը վերաորակվեց: Թորոսյանը մեղավոր ճանաչվեց Քրեական օրենսգրքի 258-րդ հոդվածի 3-րդ մասի 1-ին կետով եւ դատապարտվեց 2 տարվա ազատազրկման:

Նշենք, որ Աշոտ Մնացականյանը, Արսեն Մաթեւոսյանն ու Էդվարդ Թորոսյանը մեղադրվում են խմբի կազմում խուլիգանական դրդումներով սպանության փորձ եւ որպես զենք օգտագործված առարկաների գործադրմամբ խուլիգանություն կատարելու մեջ: Ըստ մեղադրանքի, տուժող Արմեն Փիրոյանը նախկին կնոջից՝ Ա. Հովհաննիսյանից ամուսնալուծվելուց հետո ամուսնացել է մեկ ուրիշի հետ եւ մեկնել ԱՄՆ շրջագայության: Այդ ընթացքում Ա. Հովհաննիսյանը ծանոթացել է սույն գործով ամբաստանյալ Աշոտ Մնացականյանի հետ, որի հետ ունեցել է մտերիմ հարաբերություններ: Փիրոյանի ցուցմունքի համաձայն, ինքը մի քանի անգամ զանգահարել է նախկին կնոջն ու փորձել վերցնել ամուսնական մատանին: Նախկին ամուսինների հարաբերությունները պարզելու համար կնոջ ընկերը՝ Աշոտ Մնացականյանը, մի խումբ անձանց հետ հանդիպել է տուժողին: Սկսվել է վիճաբանություն, որն ավարտվել է ծեծկռտուքով:

Տպել
Կարդացեք նաև
Ամբողջը
Չիլիի հարավում տեղի է ունեցել նավթի խոշոր արտահոսք
Նավթի արտահոսքն ընդգրկել է մոտ 6 հազար քառ.մ մակերեսով տարածք…
Արագածոտնում դիմակավորված 2 անձինք գիշերը փորձել են թալանել քաղաքացու տունը. մայր ու դուստր դիմադրել են
Աղբյուրի տեղեկություններով՝ ոստիկանությունն ու քննչական բաժինը ձեռնարկում...
Նախնական տեղեկություններով՝ Կերչում զոհվածների շրջանում Հայաստանի քաղաքացիներ չկան
Տուժածների շրջանում հայերի առկայությունը ստուգվում է…
Հրազդանի քաղաքապետարանը դատի է տվել նախկին քաղաքապետ Արամ Դանիելյանին. պահանջում է 2,85 մլն դրամ
Փաստաբանի խոսքով, Դանիելյանը համայնքապետարանի կողմից նախապես ծանուցվել է հայցադիմումի մասին, սակայն վերջինիս կողմից առայժմ որեւէ առաջարկ չկա հաշտության…
Մոսկվայի քաղաքային դատարանը ՔԿՀ-ից Խաչատրյան քույրերից ավագի ազատ արձակումն օրինական է ճանաչել
Դատարանն անփոփոխ է թողել Բասմանյան դատարանի վճիռը․․․
Մեկ օրում բացահայտվել է հանցագործության 53 դեպք. սպանության սպառնալիք, թմրանյութեր ու ծեծ
Անցած 1 օրվա ընթացքում հանրապետությունում արձանագրվել է ճանապարհատրանսպորտային 16 պատահար, ինչի հետեւանքով 5 մարդ զոհվել է, 22-ը՝ ստացել տարբեր աստիճանի մարմնական վնասվածքներ...
Ամենաշատ
Partner news