Ռուսաստանի Բանկը ֆուտբոլի աշխարհի գավաթին ընդառաջ 100 ռուբլիանոց պլաստիկ հուշադրամ է թողարկել: Այն կտպվի 20 միլիոն օրինակով, փոխանցում է RG-ն: Այն, ինչպես եւ նախորդ 100 ռուբլիանոց հուշադրամները (2013 թվականի Սոչիում օլիմպիական խաղերին ընդառաջ եւ 2015 թվականին՝ Ղրիմի միանալու առթիվ), ուղղահայաց դիզայն ունի:
Թղթադրամն առաջին անգամ է պատրաստվում պլաստիկ նյութի վրա, որը ապագայում կկիրառվի այդ թվում նաեւ այլ թղթադրամների մոդեռնիզացման համար: Այս մասին հայտարարել է Ռուսաստանի Բանկի առաջին փոխնախագահ Օլգա Սկորոբոգատովան:
Թղթադրամի ճակատային մասում գնդակով տղա է պատկերվախ, որը երազում է կրկնել Լեւ Յաշինի սխրանքները. հայտնի ֆուտբոլիստը ներկայացված է դեպի գնդակը թռիչքի ժամանակ: Առաջին անգամ ռուբլու թղթադրամի վրա իրական մարդ է պատկերված, որը պետության ղեկավար չէ, նշել է «Գոզնակ» ընկերության գլխավոր տնօրեն Ա.Վ. Տրաչուկը:
