Իրանի հետ երկութուղու իրականացման համար միայն ուրախ կլինենք, սակայն սա հեռահար ծրագիր է, ավելին՝ այն մեծ ներդրումներ պահանջող ծրագիր է։ Այս մասին այսօր՝ մայիսի 24–ին կառավարության նիստից հետո կայացած ճեպազրույցի ժամանակ հայտարարել է ՀՀ տրանսպորտի, կապի եւ տեղեկատվական տեխնոլոգիաների նախարար Աշոտ Հակոբյանը։
«Այնպես չէ, որ այն ամբողջությամբ օրակարգից հանված է, բայց միաժամանակ մոտակա ծրագրերում էլ չի նախպատեսվում»,–հայտնեց նախարարը։
Նրա խոսքով՝ այդ հարցով քննարկումներ լինելու են, սակայն ամեն ինչ կախված է դոնոր կազմակերպություններից, կողմերի պատրաստակամությունից։
