ՀՀ ԱԻ նախարար Հրաչյա Ռոստոմյանի հրամանով, մայիսի 23-ին, ծառայողական պարտականությունները պատշաճ կատարելու, ինչպես նաեւ 2018 թ. ընթացքում ՀՀ քաղաքացիների ինքնասպանության փորձերը կանխելու համար պարգեւատրվել են համակարգի մի շարք աշխատակիցներ:
ԱԻՆ-ից NEWS.am-ին հայտնում են, որ ՀՀ ԱԻՆ փրկարար ծառայության Երեւան քաղաքի փրկարարական վարչության թիվ 7 հրշեջ-փրկարարական ջոկատի հրամանատար-բաժնի պետի տեղակալ, փ/ծ փոխգնդապետ Սամվել Մարտիրոսյանը, նույն վարչության հատուկ հրշեջ ջոկատի խմբի հրամանատար, փ/ծ մայոր Արման Գրիգորյանը, ՓԾ ճգնաժամային կառավարման ազգային կենտրոնի օպերատիվ հերթափոխի ավագ հրահանգիչ, փ/ծ կապիտան Արթուր Ճաղարյանը, նույն կենտրոնի օպերատիվ հերթափոխի հրահանգիչ, փ/ծ ավագ լեյտենանտ Արթուր Վելյանը եւ հոգեբանական աջակցության բաժնի հոգեբանական խորհրդատվության գծով հրահանգիչ, փ/ծ կապիտան Տիգրան Սարգսյանը պարգեւատրվել են հուշանվերներով: