2017 թվականին ՀՀ տնտեսական զարգացման եւ ներդրումների նախարարության համար 22 ծրագիր էր նախատեսվել, որի կատարողականը եղել է շուրջ 96 տոկոս: Այս մասին, այսօր՝ մայիսի 30-ին, ԱԺ հանձնաժողովների համատեղ նիստում 2017 թվականի պետական բյուջեի կատարողականի քննարկման ժամանակ նշեց ՀՀ ֆինանսների նախարար Ատոմ Ջանջուղազյանը:
Նրա խոսքով, փոքր ու միջին ձեռնարկատիրության ԶԱԿ հիմնարդամի կանոնադրական խնդիրների իրականացման նպատակով պետության աջակցությունը եղել է 549 մլն դրամ, որը կազմել է 94 տոկոս:
«Էներգետիկ ենթակառուցվածքների եւ բնական պաշարների նախարարությունը 2017-ին 18 ծրագիր է իրականացրել, որից միայն 4-ն են ներքին ռեսուրսների միջոցներով կատարվել: Մնացածում ամենամեծ կշիռը ունի Ատոմակայանի 2-րդ էներգաբլոկի շահագործման ժամկետի երկարացման ծրագիրն է, որի ուղղությամբ 10,2 մլրդ դրամ է օգտագործվել նախարարության կողմից, ինչը կազմել է ճշտված ծրագրի 74,54 տոկոսը:
Կապի եւ տեղեկատվական տեխնոլոգիաների նախարարության կողմից 2017-ին ճշտված ծրագրով նախատեսվել է իրականացնել 64 մլրդ դրամի ծրագրեր, կատարողականը կազմել է 55,5 մլրդ դրամ կամ 86,42 տոկոս»,-ասաց նա:
