Իրանի Սարավան շրջանի հարավ-արեւելյան Սիստան եւ Բալուջիստան  նահանգներում հատուկ գործողությունների արդյունքում ահաբեկիչների խումբ է վնասազերծվել, փոխանցում է ԻՌՆԱ գործակալությունը։

Բախման հետեւանքով ահաբեկիչներից մեկը սպանվել է։ Հայտնաբերվել են մի քանի պայթուցիկ սարքեր մահապարտների ակցիա իրականացնելու համար, ինչպես նաեւ մեծ քանակությամբ պայթուցիկ նյութ, մի քանի միավոր հրազեն եւ նշանակալի քանակությամբ զինամթերք:

Հիշեցնենք, որ 2017 թվականի հունիսի 7-ին ահաբեկիչների երկու խումբ հարձակում էր գործել Թեհրանում խորհրդարանի շենքի վրա եւ Հոմեյնիի դամբարանի վրա։ Հարձակման հետեւանքով զոհվել էր 17 մարդ, եւս 43-ը վիրավորվել էին։