Վրաստանի նախագահ Միխայիլ Սահակաշվիլիի՝ Հայաստան կատարած այցի ընթացքում խնդիրների բավական լայն շրջանակ կքննարկվի՝ սկսած հաղորդկացության հարցերից, վերջացրած ջավախահայերի խնդիրներով։ Հունվարի 22-ին լրագրողների հետ հանդիպման ժամանակ նման կանխատեսում արեց Կովկասի ինստիտուտի փոխտնօրեն, քաղաքագետ Սերգեյ Մինասյանը։
Նրա խոսքով, հայ-վրացական հարբերությունների մեջ այս հանդիպումից հետո «հեղափոխական փոփոխություններ» տեղի չեն ունենա, բայց այս հանդիպումը կնպաստի երկու երկրների միջեւ առկա ինչ-ինչ խնդիրների լուծմանը։ «Վրաստանը շահագրգռված է շարունակել Արեւմուտքի հետ համագործակցությունը՝ միեւնույն ժամանակ Հայաստանն օգտագործել իբրեւ Ռուսաստանի հետ շփման եզրեր գտնելու կողմնակի ճանապարհ»,- նկատեց նա։
Փորձագետ Մանվել Սարգսյանն էլ նկատեց, որ Վրաստանի՝ Իրանի հանդեպ հետաքրքրության մեծացմամբ, զուգահեռաբար կարող է աճել նաեւ Հայաստանի հանդեպ այդ երկրի հետաքրքությունը։
Անդրադառնալով Սահակաշվիլիի հետ վիրահայոց թեմի կարգավիճակի հարցի հնարավոր քննարկմանը՝ փորձագետները չբացառեցին, որ նման բան կարող է պատահել։
Նշենք, որ Վրաստանի նախագահ Միխայիլ Սահակաշվիլին երկօրյա պաշտոնական այցով Հայաստան կժամանի այսօր՝ հունվարի 22-ին։
