Հայաստանի Հանրապետության վարչապետ Նիկոլ Փաշինյանի եւ Ադրբեջանի նախագահ Իլհամ Ալիեւի հանդիպման մասին որեւէ պայմանավորվածություն չկա: Այս մասին հունիսի 5-ին լրագրողների հետ հանդիպման ժամանակ հայտարարեց Հայաստանի արտաքին գործերի նախարարության մամուլի քարտուղար Տիգրան Բալայանը:
Նա նշեց, որ Հայաստանի եւ Ադրբեջանի արտգործնախարարների հանդիպումներ եւս նախատեսված չեն: «ԵԱՀԿ Մինսկի խմբի համանախագահները Երեւան կժամանեն հունիսի 13-ին, եւ դա, ըստ էության, կդառնա միջնորդների եւ Հայաստանի նոր իշխանությունների առաջին անձնական շփումը, որից կորոշվեն հետագա քայլերը»,- ընդգծեց Բալայանը:
