Audi ընկերությունը մինչեւ 2021 թվականը սեփական ինքնավար ավտոմեքենաների «նավատորմ» կթողարկի: Այս մասին հայտարարել է գերմանական ապրանքանիշի ղեկավար Ռուպերտ Շտադլերը նոր Q8 քրոսովերի շնորհանդեսին, փոխանցում է Autonews-ը։

Ավտոմատ կառավարման մեքենաների ավտոպարկի թողարկումը նվիրված կլինի հայտնի գովազդային Vorsprung durch Technik («Առաջընթաց տեխնիկայի միջոցով») կարգախոսի 50-ամյակին, որը հայտնվել է 1971 թվականին։

Audi-ի սերիական ինքնավար մեքենան, կառուցված Aicon նախատիպային հայեցակարգին համապատասխան, ներկայացվել է 2017 թվականին Ֆրանկֆուրտի ավտոսրահում։ 4 դռներով էքսպերիմենտալ ավտոմեքենայի երկարությունը կազմել է 5444 միլիմետր, իսկ անվային բազայի չափսը հավասար է 3470 մմ-ին։