Երեւանի ընդհանուր իրավասության դատարանի Նոր Նորքի ու Ավանի նստավայրում այսօր՝ հունիսի 7-ին «Սասնա ծռերի» անդամ Հովհաննես Վարդանյանի խափանման միջոցը փոխելու միջնորդություն ներկայացվեց։ Պաշտպանը որպես միջնորդության հիմքեր նշեց Հովհաննես Վարդանյանի առողջական վիճակը եւ պատշաճ վարքագիծ դրսեւորելու հանգամանքը։ Մեղադրողը միջնորդությանը չառարկեց եւ նշեց, որ կարող է կիրառվել ստորագրություն չհեռանալու մասին խափանման միջոց։ Դատարանը քիչ անց կհրապարակի միջնորդության որոշումը։
Նշենք, որ «Սասնա ծռեր» խմբի անդամներ Արմեն Լամբարյանի, Աշոտ Պետրոսյանի, Արթուր Մելքոնյանի, Տիգրան Սարգսյանի, Արթուր Սողոմոնյանի, Գառնիկ Հովակիմյանի, Հովհաննես Վարդանյանի, Մանվել Աթոյանի, Վարդգես Գեւորգյանի, Կարո Եղնուկյանի եւ Խաչատուր Գիչյանի մասով գործը քննում է դատավոր Արտուշ Գաբրիելյանը: