G7-ի գագաթնաժողովի ամփոփիչ կոմյունիկեում անդամ երկրների առաջնորդները հայտարարել են Թեհրանի միջուկային ծրագրի խաղաղ նպատակները երաշխավորելու անհրաժեշտության մասին, փոխանցում է «Ինտերֆաքսը»։
«Մենք հանձնառու ենք, որ Իրանի միջուկային ծրագիրը խաղաղ բնույթ կրի, եւ միջազգային պարտավորություններին եւ Իրանի երաշխիքներին համապատասխան երբեք չհասնի միջուկային զենքի մշակմանն ու ձեռքբերմանը»,-նշված է G7-ի անդամ երկրների առաջնորդների համատեղ հայտարարությունում։
«Մեծ յոթնյակի» երկրների ղեկավարները շեշտել են, որ դատապարտում են Իրանի կողմից ահաբեկչական խմբերին ցանկացած ֆինանսական օգնություն։ Նրանք նաեւ կոչ են արել Իրանին կառուցողական դեր խաղալ եւ իր ներդրումն ունենալ ահաբեկչության դեմ պայքարում, քաղաքական որոշումների կայացման գործում, տարածաշրջանում իրավիճակի կարգավորման եւ խաղաղություն հաստատման հարցում»: