ԱՄՆ–ն դադարեցնում է Հարավային Կորեայի հետ ռազմական վարժանքները Կորեական թերակղզում։ Այս մասին հայտարարել է ԱՄՆ նախագահ Դոնալդ Թրամփը Հյուսիսային Կորեայի առաջնորդ Կիմ Չեն Ընի հետ բանակցությունների ամփոփման ժամանակ, փոխանցում է AP–ն։
Պատասխանելով Կորեական թերակղզուց ամերիկյան զորքերի դուրս գալու մասին հարցին՝ Թրամփը նշել է, որ ամերիկյան զինվորներին ցանկանում է տուն վերադարձնել, սակայն հիմա այդ հարցը չի քննարկվում։ Նա նշել է, որ ԱՄՆ–ն դադարեցնում է ռազմական վարժանքները թերակղզում, որը կօգնի տնտեսել հսկայական գումարներ: Միաժամանակ. Թրամփը այդ վարժանքները «շատ սադրիչ» է անվանել։
