Եվրամիության հետ Թուրքիայի կողմից գլխավոր բանակցող Էղեմեն Բաղիշը այսօր այցելում է Փարիզ` Ֆրանսիայի մի շարք պաշտոնյաների հետ բանակցելու թուրք-ֆրանսիական հարաբերությունների ու Եվրամիությանը Թուրքիայի անդամակցության հարցերի շուրջ:
Բաղիշը հանդիպելու է եվրոպական հարցերով Ֆրանսիայի նախարար Պիեր Լելուշի, ինչպես նաեւ Ֆրանսիայի նախագահի աշխատակազմի մի շարք բարձրաստիճան պաշտոնյաների հետ: Պաշտոնական Փարիզը հատուկ կարծիք ունի Եվրամիությանը Թուրքիայի անդամակցության առնչությամբ: Ֆրանսիայի նախագահ Նիկոլա Սարկոզին դեռեւս նախագահական ընտրությունների քարոզարշավի ժամանակ հայտարարել էր, որ Ֆրանսիան համաձայն չէ Թուրքիայի անդամակցությանը Եվրամիությանը, եւ այսօր էլ չի փոխվել այդ դիրքորոշումը:
Հիշեցնենք, որ NEWS.am-ին տված բացառիկ հարցազրույցում ՀՀ-ում Ֆրանսիայի դեսպան Սերժ Սմեսովը հայտարարել էր, որ Ֆրանսիան կողմ է ԵՄ-ի հետ Թուրքիայի կապերին, բայց ոչ անդամակցությանը: