«Ելք» դաշինքում լուրջ տարաձայնություններ չկան, կան քննարկումներ, եւ խմբակցության ղեկավարի պաշտոնն այդքան նշանակալի չէ, որքան եւ անցկացվող քննարկումները: Այս մասին հունիսի 13-ին ԱԺ-ում լրագրողների հետ զրույցում ասաց «Ելք» դաշինքի պատգամավոր Էդմոն Մարուքյանը:
Նրա խոսքով՝ խմբակցությունն ունի քարտուղար, եւ նա նորմալ գործում է: «Դուք տեսաք, որ մեր բոյկոտի արդյունքում ՍԴ դատավորը չընտրվեց: Այնպես որ, խմբակցությունը նորմալ գործում է, ու նրա վրա ոչ մի բան չի ազդում»,- եզրափակեց Մարուքյանը:
Նշենք, որ Նիկոլ Փաշինյանի՝ Հայաստանի վարչապետ նշանակվելուց հետո «Ելք» խմբակցությունը մինչեւ հիմա ղեկավար չի ընտրել: Մամուլի հրապարակումների համաձայն՝ դաշինքի մեջ մտնող երեք քաղաքական ուժերի միջեւ թեկնածուի վերաբերյալ լուրջ տարաձայնություններ կան: