«Սիբիր» ավիաընկերության չվերթը Երեւանից վայրէջք է կատարել «Դոմոդեդովո»-ում: Համապատասխան տեղեկատվությունը զետեղված է Երեւանի «Զվարթնոց» օդանավակայանի էլեկտրոնային լուսացույցի վրա:
«Սիբիր» ավիաընկերության օդանավը Երեւանից մեկնել է տեղական ժամանակով ժամը 17:55-ին:
«Դոմոդեդովո»-ի միջազգային տերմինալում պայթյունի ժամանակ Մոսկվայից Երեւան չվերթ էր կատարում «Արմավիայի» օդանավը:
Նախնական տվյալներով, Հայաստանի քաղաքացիներ տուժածների ցանկում չկան: Ինչպես NEWS.am-ին հայտնեցին Հայաստանի ԱԳՆ-ից, ներկայումս ճշտվում են, թե կա՞ն արդյոք Հայաստանի քաղաքացիներ տուժածների թվում:
Ռուսաստանյան լրատվամիջոցների տեղեկություններով, պայթյունը որոտացել է ուղեբեռի հատվածում, չի բացառվում, որ ռումբը տեղադրված է եղել բեռներից մեկի մեջ: Դրա հզորությունը կարող է կազմել 5-10 կգ տրոտիլային համարժեքով:
Մեկ այլ վարկածով` ահաբեկչությունն իրականացրել են մեկ կամ մի քանի ահաբեկիչներ: