Ֆրանսիան Aquarius նավից կընդունի այն միգրանտներին, որոնք կցանկանան այդ երկրում մնալ, հաղորդում է «ՌԻԱ Նովոստին»՝վկայակոչելով իսպանական կառավարությանը:
«Ֆրանսիան կընդունի այն միգրանտներին, որոնք Վալենսիայի նավահանգիստ ժամանելուց եւ ապաստանի տրամադրման բոլոր արարողակարգերը կատարելուց հետո կցանկանան այդ երկիր ուղեւորվել», - ասվում է իսպանական կառավարության հայտարարության մեջ:
Իսպանիայի կառավարության փոխվարչապետ Կառմեն Կալվոն, որին հանձնարարված է զբաղվել այս թեմայով, բանակցություններ է անցկացրել Ֆրանսիայի դեսպանի հետ եւ հաստատել, որ Մադրիդը պատրաստ է ընդունել ֆրանսիական առաջարկը:
