Sonar Music Festival –ը Կատալոնիայի տիեզերական հետազոտությունների ինստիտուտի ու METI International –ի հետ համատեղ տիեզերք է արձակել 35 հատ տասը վայրկյանանոց EDM (Electronic dance music) կոմպոզիցիա՝ այլմոլորակային բանականության հետ կապ հաստատելու համար, հայտնում է ՌԻԱ Նովոստին։
Գիտնականները հույս ունեն, որ այդ երգերը կհասնեն GJ 237 կարմիր թզուկի մոտակայքում գոյություն ունեցող որեւէ բանականության ու կդառնան երաժշտության ունիվերսալ լեզվի օրինակ։ Դեպի տիեզերք երկարատեւ ճամփորդությանը դիմանալու համար՝ թրեքները զետեղվել են կրկնակի կոդի մեջ, որը աստղային համակարգի հնարավոր բնակիչները պետք է վերծանեն ։
GJ 237 աստղի մոլորակներից մեկը բնակելիության գոտում է գտնվում, այսինքն իր աստղից բավականաչափ հեռավորության վրա է գտնվում՝ կյանք պահպանելու համար։ Հաշվի առնելով այն ժամանակը, որը պետք է լինելու նման հեռավորություն հաղթահարելու համար, երգերը կհասնեն մոլորակ 2030 թ․ ոչ շուտ։
Եթե Երկի ուղղությամբ ուղարկեն պատասխան ազդանշան, ապա այն դժվար թ ե տեղ հասնի մինչեւ 2042 թ․։ Ուղերձում նաեւ ներառված են տեղեկություններ մաթեմատիկայի ու ընդհանուր գիտության մասին՝ ցույց տալու համար մարդկության որոշ ձեռքբերումներ։