Գվատեմալայում տեղի է ունեցել 5,6 մագնիտուդով երկրաշարժ, հայտնում է ԱՄՆ Երկրաբանական ծառայությունը (USGS), փոխանցում է «ՌԻԱ Նովոստի»-ն:
Ցնցումները գրանցվել են երկուշաբթի UTC-ի ժամանակով 02.32-ին: Երկրաշարժի էպիկենտրենը տեղակայված է Գուանագասապա բնակավայրից 5 կմ հարավ-արեւմուտք: Օջախը գտնվում է մոտ 99 կմ խորությամբ:
Հնարավոր զոհերի եւ ավերածությունների մասին տեղեկություններ չեն հաղորդվում: Ցունամիի վտանգ չի հայտարարվել: