Fitch միջազգային վարկանիշային գործակալությունը Հայաստանի թողարկողի դեֆոլտի երկարաժամկետ վարկանիշը (Long-term Issuer Default Rating IDR) հաստատել է B+ մակարդակում՝ դրական կանխատեսմամբ:
Հայաստանի վարկանիշները հավասարակշռվում են դրամավարկային քաղաքականության հուսալի կառույցով, արտաքին անհավասարակշռության կրճատմամբ, մեկ շնչի հաշվով եկամուտների աճով եւ բյուջեի բարձր դեֆիցիտի ցուցանիշներով, ինչը հանգեցնում է պետական պարտքի բեռի ավելացմանը:
Fitch-ի հայտարարության մեջ նշվում է, որ Հայաստանում դրական կանխատեսումը վարկանիշի հարեւանների համեմատ աճի բարձր հեռանկարներ է արտացոլում, բյուջետային համախմբման գործընթացը, որը, ինչպես գործակալության փորձագետները ակնկալում են, միջնաժամկետ հեռանկարում կհանգեցնի պետական պարտքի աստիճանական նվազեցմանը եւ ընթացիկ հաշիվների չափավոր դեֆիցիտին:
Տնտեսությունը վերականգնվեց ավելի արագ, քան ակնկալվում էր: 2017-ին 7.5 տոկոս աճից հետո, Fitch-ը ակնկալում է, որ աճը կլինի չափավոր, 2018-ին հասնելով 4,7 տոկոսի եւ 2019-ին`4,0 տոկոսի, սակայն ավելի բարձր կմնա վարկանիշի հարեւան երկրների «В» եւ «ВВ» մակարդակներից:
Աճը ապահովվում է արտաքին եւ ներքին մեծ պահանջարկով, որը պայմանավորված է սպառման եւ ներդրումների վերականգնմամբ, ինչը արտացոլում է արտահանման ավելի բարենպաստ գները եւ դրամական փոխանցումների կայուն աճը եւ զբոսաշրջիկների ներհոսքը: