Հայ-ադրբեջանական սահմանի Նախիջեւանի հատվածում որոշակի լարվածություն կա, բայց իրադրությունը վերահսկելի է: Այս մասին այսօր՝ հունիսի 18-ին լրագրողների հետ զրույցում ասել է ՀՀ պաշտպանության նախարարի տեղակալ Գաբրիել Բալայանը:
«Լրագրողներ եւ սոցիալական ցանցերում ակտիվություն ցուցաբերող բլոգերներ էին հրավիրվել այնտեղ: Իրենց մասով կա որոշակի տեղաշարժ, բայց ո՛չ մեր դիրքերի կամ մեր տարածքների հաշվին»,- նշել է նա:
Պաշտպանության փոխնախարարի հավաստմամբ՝ Հայաստանի Զինված ուժերը վերահսկում են իրավիճակը, դրանում համոզվել են նաեւ լրագրողներն ու բլոգերները:
