Սուպերքար Ford GT-ն, որի անցած տարածությունը ընդամենը 70 կիլոմետր է, ոչնչացվել է գերմանական Օստերմյունխենի փողոցներից մեկում: Անհայտ պատճառով գրեթե 450 հազար եվրո արժողությամբ ավտոմեքենան բռնկվել է, հայտնում է Motor-ը, հղում անելով Rosenheim24-ին:
Հրդեհի սկսվելու ժամանակ մեքենայում եղել են Ford GT-ի 52-ամյա սեփականատերը եւ նրա որդին: Նրանք երկուսն էլ կարողացել են ժամանակին մեքենայից դուրս գալ, ոչ ոք չի տուժել:
Տեղական ոստիկանության հաղորդագրության մեջ ասվում է, որ հրդեհի հստակ պատճառը դեռեւս պարզ չէ: Հավանաբար դա տեխնիկական անսարքության հետեւանք էր: