Սաուդյան Արաբիայի հավաքականին Ուրուգվայի թիմի հետ հանդիպման համար Ռոստով տեղափոխող ինքնաթիռի շարժիչը հրդեհվել է, հաղորդում է Lenta-ն:
Ռուսական ավիաընկերությանը պատկանող ինքնաթիռի օդաչուները ստիպված են եղել արտակարգ վայրէջք կատարել Ռոստովի օդանավակայանում: Վթարի արդյունքում ոչ ոք չի վիրավորվել: Հրդեհը տեղի է ունեցել տեխնիկական անսարքության հետեւանքով:
Հունիսի 20-ին Ռոստովում ֆուտբոլի աշխարհի առաջնության խմբային փուլի երկրորդ խաղում Սաուդյան Արաբիայի թիմը կհանդիպի Ուրուգվայի հավաքականի հետ: Աշխարհի առաջնության բացման հանդիպմանը սաուդցիները 0: 5 հաշվով պարտվեցին ռուսներին:
