News
Լրահոս
News
Շաբաթ
Մարտ 23
Տեսնել լրահոսը


Մինչեւ այժմ Բարեգործական ծրագրերի որակավորման հարցը վերապահված է եղել բարեգործական ծրագրերի համակարգման հանձնաժողովին, որը պետական վարչական մարմին համարվել չի կարող: Այս մասին, այսօր՝ հունիսի 19-ին, ԱԺ-ում «Բարեգործության մասին» ՀՀ օրենքում փոփոխություն կատարելու մասին օրենքի նախագիծը ներկայացնելիս նշեց Արդարադատության փոխնախարար Արթուր Հովհաննիսյանը:

Նրա խոսքով, 2015 թվականին ընդունված սահմանադրական փոփոխությունները պարտադրում են, որ նման գործունեություն կարող է իրականացնել միայն պետական վարչական մարմինը, հետեւաբար, այս օրինագծով առաջարկվում է, որ բարեգործական ծրագրերի որակավորման հարցը սահմանի կառավարությունը եւ ինքն էլ կորոշի, թե ով է լինելու իրավասու պետական մարմինը:

«Բարեգործական ծրագրերի համակարգման հանձնաժողովը վարչական մարմին չի դիտվում, պետք է իրավասու մարմին հանդիսանա այլ պետական մարմին, որը կսահմանվի կառավարության կազմից, որը կլինի նախարարություն կամ փոխվարչապետ: Իսկ հանձնաժողովը կարող է մնալ որպես զուտ խորհրդակցական մարմին»,-ասաց փոխնախարարը:

Դիտարկմանը, թե այս օրինագիծը կարող է խոչընդոտել բարեգործության իրականացմանը, Արթուր Հովհաննիսյանն ասաց. «Այս ծրագրով մենք բարեգործության շրջանակները չենք փոխում, բարեգործություն իրականացնողների շրջանակը չենք նեղացնում, բարեգործության իրականացումը նույնկերպ իրականացվում է, որեւէ նոր պարտականություն չի նախատեսվում: Իսկ այս մարմնի հետ առնընչվելը վերաբերում է բացառապես հետեւյալ հանգամանքով. եթե բարեգործություն իրականացնողը ցանկանում է ստանալ բարգործության հետ կապված խրախուսանք, կամ հարկային արտոնություն կամ իր բարեգործության ընթացքում ուզում է ստանալ պետական ու համայնքային աջակցություն: Միայն այդ դեպքում է բարեգործություն իրականացնողը դիմում իրավասու մարմին, որ իր ծրագիրը  որակվի բարեգործական: Մնացած դեպքերում մարդն իրականացնում է իր բարեգործությունը եւ իրավասու մարմինը որեւէ կերպ չի կարող խոչընդոտել այդ գործընթացին»,- հայտարարեց Արթուր Հովհաննիսյանը:

ԱԺ փոխնախագահ Միքայել Մելքումյանն առաջարկեց օրենքում առանձին կետով բացված գրել, որ եթե բարեգործը չի ցանկանում օգտվել այդ երեք արտոնություններից, ապա իրավասու մարմինը նրա հետ ոչ մի առնչություն ունենալ չի կարող:

Արթուր Հովհաննիսյանը նշեց, որ օրենքը հենց այդպես էլ սահմանում է. «Եթե որեւէ կազմակերպություն ցանկանում է բարեգործություն անել, բոլորովին անհրաժեշտություն չունի դիմել իրավասու մարմնին, եթե այլ ակնկալիք չունի»:

Հիշեցնենք, որ ավելի վաղ «Ծառուկյան. Խմբակցության պատգամավոր Նաիրա Զոհրաբյանը սպառնում էր, թե եթե այս նախագիծը ընդունվի, ապա ինքը կոչ կանի Գագիկ Ծառուկյանին դադարեցնել բարեգործությունը, իսկ դրա շահառուներին կուղղորդի կառավարություն։ Այս հայտարարությանն ի պատասխան՝ ՀՀ փոխվարչապետ Տիգրան Ավինյանն ասել էր. «Որեւէ սպառնալիքից չենք վախենում։ Ես նորից եմ կրկնում՝ բարեգործությունը պետք է մնա բարեգործություն եւ չպետք է աղերսվի քաղաքական դիվիդենտներ շահելու հետ»։

Տպել
Կարդացեք նաև
Ամբողջը
Ռուսական խոշոր «Վեդոմոստի» պարբերականի ընթերցողները Փաշինյանին տարվա քաղաքական գործիչ են ընտրել
Պարբերականի խմբագրությունը տարվա քաղաքական գործիչ է ընտրել Գերմանիայի կանցլեր Անգելա Մերկելին, իսկ ընթերցողները նախապատվությունը տվել են հայ առաջնորդին…
Հայաստանում գործարաններ են ստեղծվում մի քանի հազար աշխատատեղով. Փաշինյանը թվերով խոսեց ներդրումների մասին
Հայկական բրենդով հեռուստացույց եւ կենցաղային տեխնիկա է արտադրվելու...
Լենա նազարյանը պնդում է ՝ խոստումները կատարել են, աշխատավարձերի բարձրացում էլ եղել է
Նման քայլեր կլինեն պետական այլ ծառայողների, ուսուցիչների, իրավապահ մարմիններում աշխատող մարդկանց նկատմամբ...
Իշխանությունը փորձում է մարդկանց մեջ արթնացնել Սերժ Սարգսյանի ուրվականը. Արմեն Աշոտյան
Հարգելի Նիկոլ Փաշինյան, երբ դու դարձել ես վարչապետ, Սերժ Սարգսյանն արդեն հեռացված էր…
Չի բացառվում, որ ԱՄՆ-ն Իրանի հարցով ոճնշում գործադրի Հայաստանի վրա. Ռուբեն Սաֆրաստյան
Ինչ վերաբերում է հայ-թուրքական հարաբերությունների կարգավորմանը, ապա, նրա կարծիքով, Վաշինգթոնը հազիվ թե այդ ուղղությամբ նոր ջանքեր գործադրի...
ԱԺ պատգամավորների 1/3–ը Փաշինյանին առաջադրել է վարչապետի թեկնածու
Այսօր ժամը 18։00–ին լրանում է առաջադրումների ժամկետը...