Կառավարությունը ուժը կորցրած ճանաչեց կառավարության 2017 թվականի օգոստոսի 24-ի «Բարձրավոլտ էլեկտրացանցեր» փակ բաժնետիրական ընկերության բաժնետոմսերով հավաստված իրավունքները հավատարմագրային կառավարման հանձնելու մասին» որոշումը։
ՀՀ կառավարության 24.08.2017թ. №1035-Ա որոշմամբ հավանություն էր տրվել «Բարձրավոլտ էլեկտրացանցեր» ՓԲԸ-ի (այսուհետ` ԲԷՑ) բաժնետոմսերով հավաստված իրավունքները «Տաշիր-Կապիտալ» ՓԲԸ-ին հավատարմագրային կառավարման հանձնելու մասին պայմանագրին (այսուհետ` Պայմանագիր):
Պայմանագիրը կառավարության եւ «Տաշիր-Կապիտալ» ՓԲԸ-ի միջև ստորագրվել էր 2017թ. սեպտեմբերի 25-ին և այն ուժի մեջ պետք է մտներ` 6-ամսյա ժամկետում Հավատարմագրային կառավարչի կողմից հավատարմագրային կառավարման ծրագիրը ՀՀ կառավարության հաստատմանը ներկայացնելուց հետո:
ՀՀ կառավարության սույն որոշման նախագծով ուժը կորցրած են ճանաչվում ՀՀ կառավարության 24.08.2017թ. «Բարձրավոլտ էլեկտրացանցեր» փակ բաժնետիրական ընկերության բաժնետոմսերով հավաստված իրավունքները հավատարմագրային կառավարման հանձնելու մասին» №1035-Ա և 12.04.2018թ. «Բարձրավոլտ էլեկտրացանցեր» փակ բաժնետիրական ընկերության բաժնետոմսերով հավաստված իրավունքների հավատարմագրային կառավարման ծրագիրը հաստատելու մասին» №463-Ա որոշումները:
