Հյուսիսային Կորեան վերադարձրել է Կորեական պատերազմի ընթացքում սպանված կամ անհայտ կորած ամերիկացի զինծառայողների աճյունները, հայտարարել է ԱՄՆ նախագահ Դոնալդ Թրամփը, փոխանցում է Reuters-ը: «Մենք վերադարձել ենք մեր զոհված հերոսներին. վերադարձվել են արդեն 200 զինծառայողի աճյունները»,- ասել է Թրամփը:
ԱՄՆ պաշտոնյաներն ավելի վաղ հայտարարել էին, որ մոտ օրերին Հյուսիսային Կորեան «աճյունների մեծ մասը» կփոխանցի Հարավային Կորեայում ՄԱԿ-ի հրամանատարությանը, ապա դրանք կտեղափոխվեն Հավայան կղզիներում ԱՄՆ ռազմաօդային ուժերի Հիկամա բազա:
1950-1953 թվականների Կորեական պատերազմի ընթացքում անհայտ կորած է համարվում մոտ 7.700 ամերիկացի զինծառայող:
