News
Լրահոս
News
Չորեքշաբթի
Հուլիս 18
Տեսնել լրահոսը

Եթե կապացուցվի, որ ես երբևէ անգամ 1 լումա գիտակցված կամ անփութորեն մսխել եմ հանրային միջոցներից, պետական բյուջեից, երբևէ մասնակցություն եմ ունեցել որևէ անօրինական գործարքի կամ եղել եմ որևէ կոռուպցիոն սխեմայում, պատրաստ եմ կրել օրենքով սահմանված ամենախիստ պատիժը: Այս մասին հայտարարություն է տարածել ԱԺ փոխնախագահ Էդուարդ Շարմազանովն՝ անդրադառնալով Երևանի ավագանու «Երկիր Ծիրանի» խմբակցության ղեկավար Զարուհի Փոստանջյանի ֆեյսբուքյան ուղիղ եթերում ցուցադրած կադրերին, որտեղ նա ցույց է տվել մի առանձնատուն ու նշել, որ դա պատկանում է Շարմազանովին:

ԱԺ փոխնախագահի հայտարարությունում ասվում է.

«Հարգելի հայրենակիցներ, այս պահին գտնվում եմ Ալբանիայում՝ Սեւծովյան տնտեսական համագործակցության խորհրդարանական վեհաժողովի (ՍԾՏՀ ԽՎ) 51-րդ լիագումար նստաշրջանի աշխատանքներին մասնակցության նպատակով: Տեղեկացա, որ Զարուհի Փոստանջյանը ֆեյսբուքյան եթերում ցուցադրել է իմ կիսակառույց շինությունը եւ հայտարարել, որ այն «կառուցվում է հանրային միջոցների՝ ժողովրդից թալանված փողերի հաշվին»:

Այս կիսակառույց շինությունը, այո, պատկանում է ինձ եւ դրա վերաբերյալ Զարուհի Փոստանջյանի հայտարարությունը բացահայտում չէ: Բազմաթիվ առիթներով ոչ թե որեւէ մեկի հայտարարությանն արձագանքելով, այլ ինքս իմ հարցազրույցներում խոսել եմ այդ մասին: Երբեւէ չեմ թաքցրել, որ արդեն 8-րդ տարին է կառուցում եմ այդ շինությունը, որն ավարտին հասցնելու համար դեռ տարիներ կպահանջվեն: Իմ ֆինանսական միջոցները, մուտքերն ու ելքերը, նշված շինության կառուցապատման նպատակով վերցված երկարաժամկետ վարկը, ինչպես նաեւ նշված կիսակառույց շինությունը նշված են իմ  հայտարարագրում, որը բաց է եղել եւ հասանելի ցանկացած քաղաքացու համար:

Մշտապես հայտարարել եմ, այժմ էլ ամենայն պատասխանատվությամբ հայտարարում եմ՝ ես բաց եմ օրենքով սահմանված ստուգումների համար: 10 տարի ծառայել եմ եւ շարունակում եմ ծառայել Հայաստանի Հանրապետությանը՝ պետական պաշտոնը համարելով առաքելություն: Երբեւիցե ուղիղ կամ միջնորդավորված պետական գնումների որեւէ գործընթացի չեմ մասնակցել, որեւէ ապրանքի ներկրման եւ արտահանման գործարքում նույնիսկ միջնորդավորված չեմ եղել: Եթե կապացուցվի, որ ես երբեւէ անգամ 1 լումա գիտակցված կամ անփութորեն մսխել եմ հանրային միջոցներից, պետական բյուջեից, երբեւէ մասնակցություն եմ ունեցել որեւէ անօրինական գործարքի կամ եղել եմ որեւէ կոռուպցիոն սխեմայում, պատրաստ եմ կրել օրենքով սահմանված ամենախիստ պատիժը:

Պաշտոնապես հայտարարում եմ, որ այսուհետ եթե որեւէ մեկը կփորձի արատավորել իմ անունը եւ մոդայիկ դարձած ժողովրդահաճո անվանարկումներով էժան հեղինակություն ձեռք բերել՝ զրպարտությամբ, անկախ իմ պաշտոնական դիրքից, պաշտպանելու եմ պատիվս դատարանում: Սթափվեք, տիկնայք եւ պարոնայք, ձեր անպատժելիության ժամկետը սպառվել է»:

«Շտապ վաճառվում է.» Փոստանջյանը տեսանկարահանել է Տարոն Մարգարյանի առանձնատներն ավանում (վիդեո)

Տպել
Կարդացեք նաև
Ամբողջը
Տեղի է ունեցել Փաշինյան-Տեր-Պետրոսյան հանդիպումը. Նախաձեռնողը եղել է ՀՀ առաջին նախագահը
Առաջին նախագահը իր տեսակետներն է հայտնել Հայաստանի առջև ծառացած մի շարք մարտահրավերների հաղթահարման ուղիների վերաբերյալ...
Արզնիի համայնքապետը հրաժարականի դիմում է ներկայացրել
Համայնքի ավագանին արձանագրել է հրաժարականը եւ դիմել մարզպետին օրենքով սահմանված կարգով…
Կոտայքի մարզի Մրգաշեն համայնքի ղեկավարը հրաժարական է ներկայացրել
Մարզպետը սահմանված ժամկետում համաձայն ՏԻՄ օրենքի 26 եւ 27 հոդվածների՝ կնշանակի համայնքի ղեկավարի պաշտոնակատար մինչեւ համայնքի ղեկավարի արտահերթ ընտրություն...
Հայաստանի հեղափոխության մեջ Բաքվի դերի մասին Ադրբեջանի նախագահի հայտարարությունները պարզապես անհեթեթ են. փորձագետ
Ադրբեջանի նախագահը ցանկանում է ցույց տալ, որ Հայաստանի շրջափակման իր քաղաքականությունը որոշակի հաջողություն է բերել…
Հայաստանի վարչապետի այցը Բելգիա հապճեպ էր. բանասեր
Փաշինյանը պետք է բոլոր մակարդակներում թիմ ձեւավորեր, որն իր փոխարեն կնախապատրաստեր բոլոր անհրաժեշտ փաստաթղթերը...
Հայաստանում շտապողականություն են դրսեւորում ինչպես ներքին, այնպես էլ արտաքին քաղաքականության ոլորտում. Արա Պապյան
Միաժամանակ, նա նշեց, որ եվրոպական կառույցները բավականին մեծ եւ բարդ բյուրոկրատական ապարատ ունեն...
Ամենաշատ
Partner news