News
Լրահոս
News
Ուրբաթ
Սեպտեմբեր 21
Տեսնել լրահոսը

Պետական եկամուտների կոմիտեի հսկողական միջոցառումների շրջանակում օրերս Երեւանում կանխվել է կեղծ կոնյակի իրացման հերթական փորձը:

Այս առնչությամբ, ՊԵԿ-ի տարածած հաղորդագրության մեջ ասվում է. «Մասնավորապես, օպերատիվ հետախուզության վարչություն տեղեկություններ էին ստացվել, որ քաղաքացի Սերգեյ Դանիելյանը զբաղվում է անհայտ ծագման ալկոհոլային կեղծ խմիչքների  շշալցմամբ եւ իրացմամբ: Ստացված օպերատիվ տվյալները իրացնելու եւ խախտումները բացահայտելու նպատակով ՕՀՎ աշխատակիցների կողմից Ս. Դանիելյանին տրվել է այդ ապրանքների մատակարարման նախնական պատվեր: Հետագայում՝ հենց մատակարարման պահին էլ հայտնաբերվել է կոնյակի արտադրությամբ զբաղվող հայտնի գործարաններից մեկի թողարկած ապրանքանիշերի կեղծված՝  շշալցված, արտաքնապես կոնյակի նմանվող անհայտ ծագման ալկոհոլային խմիչքի խոշոր խմբաքանակ: Դրանց ձեռքբերման աղբյուրները եւ մասնակից անձանց բացահայտելու նպատակով ձեռնարկված օպերատիվ-հետախուզական միջոցառումների արդյունքում Երեւանի Տիգրան Մեծ պողոտայի թիվ 16Ա հասցեում գտնվող վաճառասրահում եւս հայտնաբերվել են հանրահայտ տարբեր ապրանքանիշերի կեղծ ալկոհոլային խմիչքի խոշոր խմբաքանակներ, ինչպես նաեւ դրանց պատրաստման համար անհրաժեշտ հումք, նյութեր, այլ պարագաներ: Պարզվել է նաեւ, որ նշված հասցեում, բացի անհատ ձեռնարկատեր հանդիսացող Սերգեյ Դանիելյանից, նույնանման գործունեություն են իրականացնում նաեւ անհատ ձեռնարկատերեր Գոհար եւ Սիրուն Մուրադյանները: Նրանք խոստովանել եւ բացատրություն են տվել, որ նախապես տեղյակ են եղել արտադրանքի կեղծ լինելու մասին:

Օպերատիվ-հետախուզական միջոցառումների ընթացքում կազմվել են համապատասխան արձանագրություններ: Նախապատրաստված նյութերով, ՀՀ քրեական դատավարության օրենսգրքի 57-րդ հոդվածի 2-րդ մասի հիման վրա, ՊԵԿ  իրավախախտումների հայտնաբերման եւ վարչական վարույթների իրականացման վարչության աշխատակիցների հետ համատեղ կատարվել է դեպքի վայրի զննություն, հետազոտման համար վերցվել նմուշներ` փորձաքննության ուղարկելու նպատակով: Պարզվել է, որ օրինախախտ անհատ ձեռնարկատերերի գործողություններում առկա են ՀՀ քրեական օրենսգրքի 207-րդ (կեղծ գինի կամ օղի կամ ալկոհոլային կեղծ այլ խմիչք իրացման նպատակով պատրաստելը կամ իրացնելը),  209-րդ (ակցիզային դրոշմանիշեր եւ (կամ) դրոշմապիտակներ օտարելը կամ ապօրինի ձեռք բերված ակցիզային դրոշմանիշերով եւ (կամ) դրոշմապիտակներով ապրանքներ դրոշմավորելը)  հոդվածների հատկանիշներ:

Հետաքննությունը շարունակվում է:

!
Այս նյութը հասանելի է նաև   Русский
Տպել
Կարդացեք նաև
Ամբողջը
ՎԶԵԲ-ը հետաքրքրված է ՀՀ ագրարային ոլորտում ֆինանսավորման ծրագրեր իրականացնելու հեռանկարով. Վոյցեխ Բոնյաշչուկ
ՀՀ գյուղատնտեսության նախարարը և ՎԶԵԲ-ի տարածաշրջանային ղեկավար Վոյցեխ Բոնյաշչուկը քննարկել են համագործակցության հարցեր...
Ավստրիացի ընթերցողներին կներկայացվեն Հայաստանի եւ Ավստրիայի միջեւ համագործակցության արդյունքները գյուղոլորտում
Այնուհետեւ Արթուր Խաչատրյանը համառոտ ներկայացրել է գյուղատնտեսության ոլորտում ՀՀ կառավարության առաջնահերթությունները...
Դոլարի անկումը շարունակվում է. էժանացել է նաեւ եվրոն
Թանկարժեք մետաղների համար բանկի կողմից սահմանվել են հետեւյալ գները...
Կառավարությունը ՀՀ բնապահպանության եւ ընդերքի տեսչական մարմնին մեքենա հատկացրեց՝ «Mitsubishi Pajero»
Նախագծի ընդունումը կնպաստի ՀՀ բնապահպանության եւ ընդերքի տեսչական մարմնի կողմից բնապահպանության եւ ընդերքօգտագործման բնագավառներում վերահսկողական գործառույթների իրականացման գործընթացին...
Շահումով խաղերի գովազդը պետք է հեռարձակվի ոչ թե երեկոյան ժամը 22-ից, այլ կեսգիշերից. Փաշինյան
Սա մեծ չափաքանակ չէ՞, կամ միգուցե առաջարկենք, որ ժամերը փոխեն, որովհետեւ ենթադրենք պարտադիր չէ, որ 15 տարեկան երեխան ժամը 22.00-ն քնած լինի...
Գազալցակայաններում խաղային ապարատները պետք է դուրս բերվեն. մեզ մոտ խրախուսվում է «ղումարբազությունը». Փաշինյան
Գազալցակայաններում ու ամենուր տեղադրած խաղային ապարատները պետք է դուրս բերվեն եւ դա պետք է անել հնարավորինս արագ...
Ամենաշատ
Partner news