Բելառուսի արտաքին գործերի նախարար Վլադիմիր Մակեյը հանդիպել է ԵԱՀԿ Մինսկի խմբի համանախագահների՝ Ստեֆան Վիսկոնտիի (Ֆրանսիա), Իգոր Պոպովի (Ռուսաստան), Էնդրյու Շոֆերի (ԱՄՆ), ինչպես նաեւ ԵԱՀԿ գործող նախագահի անձնական ներկայացուցիչ Անջեյ Կասպշիկի հետ։ Այս մասին հաղորդում է Բելառուսի ԱԳՆ մամուլի ծառայությունը։
Մակեյին տեղեկացրել են հակամարտության գոտում իրավիճակի եւ ղարաբաղյան հակամարտության կարգավորման ուղղությամբ ձեռնարկվող ջանքների մասին։
Հանդիպման ժամանակ քննարկվել են նաեւ ԵԱՀԿ Մինսկի խմբի գործունեության արդիական հարցեր, Բելառուսի հնարավոր ներդրումը ղարաբաղյան հակամարտության կարգավորման հարցում։
Մինսկի խմբի համանախագահները Մինսկ կատարած այցի շրջանակներում հանդիպել են Բելառուսի արտաքին գործերի փոխնախարար Օլեգ Կրավչենկոյի հետ:
