«Սասնա ծռերի» անդամ Արամ Հակոբյանը այսօր՝ հունիսի 29-ին, չի ներկայացել դատարան: Երեւանի ընդհանուր իրավասության դատարանի Շենգավիթի նստավայրում պաշտպան Տիգրան Եգորյանը հայտնեց, որ Արամ Հակոբյանը 2 անգամ գլխուղեղի կաթված է ստացել, ինչի մասին չի իմացել, իսկ այժմ հիվանդանոցում ստացիոնար բուժում է ստանում:
Դատական նիստն այդ պատճառով հետաձգվեց, քանի որ նմեղադրողը կարծիք հայտնեց,որ առանց ամբաստանյալի ներկայության չի կարելի շարունակել նիստը:
Նշենք, որ Արամ Հակոբյանի խափանման միջոցը հունիսի 8-ին էր փոխվել 500 հազար դրամ գրավի կիրառմամբ:
Նշենք, որ Արամ Մանուկյանի, Հովհաննես Հարությունյանի, Թաթուլ Թամրազյանի, Արամ Հակոբյանի, Տիգրան Մանուկյանի, Վարդան Գերավետյանի, Մարտիրոս Հակոբյանի, Արայիկ Հակոբյանի, Գևորգ Իրիցյանի, Սերգեյ Կյուրեղյանի և Թորոս Թորոսյանի գործով մասը նախագահում է դատավոր Արշակ Վարդանյանը:
