Ադրբեջանը հերթական շոուն է սարքել՝ այս անգամ ռուս փորձագետների մասնակցությամբ։ Այս մասին հուլիսի 2-ին կայացած ճեպազրույցում հայտարարել է ՀՀ արտաքին գործերի նախարարության մամուլի խոսնակ Տիգրան Բալայանը՝ պատասխանելով ադրբեջանական իշխանությունների կողմից ռուսաստանցի քաղաքագետների եւ փորձագետների խմբի ճամփորդությունները Ադրբեջանի Հանրապետությունում։
«Ադրբեջանի հաշվին, այսպես կոչված, ռուս փորձագետները, որոնք ճամփորդել են Ադրբեջան եւ պիտի գնային շփման գիծ, այլ հայտարարություններ պետք է անեի՞ն։ Պարզ է, որ այդ ամենը թատերական բեմականացում էր, որի նպատակը այդ հայտարարություններն էին։ Հնարավոր է, որ այդ ձեւակերպումները գրվել են այլ տեղ եւ տրվել են փորձագետներին հնչեցնելու համար»,–ասել է Բալայանը՝ հավելելով, որ ՌԴ պաշտոնական դիրքորոշումը հայ–ռուսական հարաբերությունների եւ Լեռնային Ղարաբաղի մասով պարբերաբար հնչեցվում են. «Ադրբեջանը փորձում էր հերթական շոուն սարքել, բայց այն տապալվեց»,–նշել է ՀՀ ԱԳՆ մամուլի խոսնակը։
Նշենք, որ Ադրբեջանի իշխանությունները ռուսաստանցի քաղաքագետների եւ փորձագետների խմբին տարել են շփման գիծ՝ փորձելով Ջոջուղ մարջանլի գյուղը ներկայացնել որպես «ազատագրված», չնայած այն երբեք չի գտնվել Արցախի վերահսկողության ներքո։
