Առաջիկա 3-5 տարիներին Հայաստանը կդիտվի որպես արեւային էներգետիկայի ոլորտում տարածաշրջանային առաջատար: Այս մասին NEWS.am- ի թղթակցի հետ զրույցում հայտնել է «Շտիգեն» ընկերության տնօրեն Հայկ Շեկյանը:
Նրա խոսքով, արեւային էներգիան Հայաստանում բավական ինտենսիվ է զարգանում: Դրան նպաստում է արեւային ռեսուրսի առատությունը, որն այս տեխնոլոգիան յուրաքանչյուրին հասանելի է դարձնում: «Տարեկան կտրվածքում արեւային էներգիայի տարբեր ուղղություններով մենք 3-5 անգամ աճ ենք տեսնում », - ասել է Շեկյանը:
Փորձագետը տեղեկացրել է, որ արեւային ջրատաքացման տեխնոլոգիայի փոխհատուցվելիությոևնը կարող է 3,5-4 տարի, իսկ արեւային էլեկտրակայանների դեպքում 5-6 տարի լինել:
Վերջին երկու ամիսներին պահանջարկի աճի պատճառով եւ որոշ միջազգային միտումների շնորհիվ (մասնավորապես Չինաստանում, պահանջարկի հանդեպ առաջարկի գերազանցման պատճառով ֆոտոէլեկտրական համակարգերի գները նվազել են), մենք գները իջեցրել ենք մոտ 10 տոկոսով: Այս գործոնը մեծացրել է այդ համակարգերի հասանելիությունը», - ասել է նա:
Շեկյանը շեշտել է, որ Հայաստանի համար արեւային էներգետիկան շատ շահավետ է, եւ ներդրողները դրա նկատմամբ հետաքրքրություն են ցուցաբերում: Նրա խոսքով, խոշոր ձեռնարկությունները նույնպես շահագրգռված են նման ներդրումներով:
Շեկյանը ուշադրություն է հրավիրել այն հանգամանքի վրա, որ ներկայումս Հայաստանի տնտեսությունում որոշակի հանգստություն կա: «Սա կարող է պայմանավորված լինել տարբեր գործոններով: Սակայն սկզբունքորեն, ի տարբերություն այլ ոլորտների, վերականգնվող էներգիան՝ արեգակնային էներգիան ավելի քիչ են տուժել դրանից: Կարծում եմ, որ առաջիկա 3-5 տարիներին Հայաստանը կդիտվի ոչ միայն որպես այդ տեխնոլոգիաների առաջատար երկիր, այլ նաեւ որպես տարածաշրջանային առաջնորդ», - ընդգծել է նա:
