ԱՄՆ-ն կքննարկի մի քանի երկրների դիմումները Իրանի դեմ պատժամիջոցներից ազատելու մասին, որոնք գործողության մեջ կդրվեն նոյեմբերին՝ իրանական նավթի արտահանումը կանխելու համար: Այս մասին հայտարարել է ԱՄՆ պետքարտուղար Մայք Պոմպեոն Sky News Arabia-ի հետ հարցազրույցում:
«Մի քանի երկրներ կան, որոնք դիմել են ԱՄՆ-ին եւ խնդրել պատժամիջոցները մեղմելու մասին: Մենք նրանց խնդրանքները կքննարկենք»,- ասել է Պոմպեոն՝ չնշելով, թե որ երկրների մասին է խոսքը:
Հիշեցնենք, որ ԱՄՆ-ն հայտարարել էր իրանական միջուկային ծրագրից դուրս գալու եւ Իրանի դեմ պատժամիջոցները վերականգնելու մասին: