Շրիդհար Չիլալը 66 տարի եղունգները երկարացնելուց հետո որոշել է դրանցից ազատվել:
Հնդկաստանից 80-ամյա Շրիդհար Չիլալը հայտնի է նրանով, որ համարվում է (ավելի ճիշտ՝ այլեւս չի համարվում) աշխարհում ամենաերկար եղունգներ ունեցող մարդը, հայտնում է NDTV-ն:
Ավելի քան 66 տարի նա չի կտրել ձախ ձեռքի եղունգները: Վերջապես որոշել է դրանք կտրել, արարողության հոլովակն ակնթարթորեն վիրուսային է դարձել: Հնդիկը ծրագրել էր եղունգներից ազատվել դեռեւս 2015 թվականին, սակայն մտքափոխվել էր: Ամենամեծը բութի եղունգն էր՝ 197,8 սմ: Չիլալի եղունգները կցուցադրվեն Նյու Յորքի թանգարանում:
