Իրանի նավթի նախարար Բիջան Զանգանեն նամակ է հղել ՕՊԷԿ-ի (անգլ.՝ The Organization of the Petroleum Exporting Countries; կրճատ՝ ՆԱԵԿ կամ ՕՊԵԿ, անգլ.՝ OPEC) նախագահին, որում նա հայտարարել է, որ կազմակերպության արդյունավետությունը կնվազի՝ դրա անդամ երկրների կողմից նավթի արդյունահանման կրճատման մասին պայմանագրով ստանձնած պարտավորությունների խախտման դեպքում, փոխանցում է «ՌԻԱ Նովոստի»-ն:
ՕՊԷԿ-ը եւ մի շարք ոչ անդամ երկրներ (ՕՊԷՔ+) 2016 թվականի վերջերին Վիեննայում համաձայնել էին նավթի արդյունահանման օրական ծավալը 2016 թվականի հոկտեմբերի մակարդակի համեմատ կրճատել 1.8 միլիոն բառելով, որից 300 հազարը բաժին է ընկնում Ռուսաստանին: Գործարքը մեկնարկել էր 2017 թվականի սկզբից եւ երկու անգամ երկարաձգվել էր՝ վերջի անգամ՝ մինչեւ 2018 թվականի վերջը: Այս տարվա հունիսի վերջին ՕՊԷՔ+-ը համաձայնեցրել էր գործարքի գերակատարումից խուսափելու նպատակը: Պարզվել էր, որ գործնականում սա կնշանակի օրական 1 միլիոն բարելով արդյունահանման ծավալների ավելացում, այդ թվում՝ Ռուսաստանի կողմից՝ 200 հազար բարել:
«Իմ կարծիքով, եթե ՕՊԵԿ-ի անդամ երկրները լիովին չեն կատարում իրենց պարտավորությունները, ապա կազմակերպության՝ որպես զարգացող երկրների գրեթե վաթսուն տարվա պատմություն ունեցող միակ միջկառավարական ասոցիացիա, գործունեության արդյունավետությունն աստիճանաբար կործանվելու է, եւ դրա համար պատասխանատվություն կկրեն այն երկրները, որոնք խախտում են իրենց պարտավորությունները»,- հայտարարել է Զանգանեն նամակում, որի տեքստը հրապարակել է Shana գործակալությունը
Նախարարը նշում է, որ, ՕՊԷԿ-ի ավերջին ամենամսյա հաշվետվության համաձայն, կազմակերպության որոշ անդամ երկրների արտահանման մակարդակը հունիսին շատ ավելի բարձր էր, քան ՕՊԷԿ-ի պայմանագրի շրջանակներում նախատեսված քվոտաներով մակարդակը: Նրա կարծիքով՝ ՕՊԷԿ-ի նախարարական մոնիտորինգային հանձնաժողովը պետք է ուշադիր հետեւի գործարքի մասնակից երկրներում արդյունահանմանը եւ ՕՊԷԿ-ի հանդիպումների ժամանակ հայտնի դրանցից յուրաքանչյուրի տվյալները: