News
Լրահոս
News
Երեքշաբթի
Օգոստոս 21
Տեսնել լրահոսը

Ոստիկանության քրեական հետախուզության գլխավոր վարչության ծառայողները հետախուզական ծավալուն միջոցառումներով պարզել են, որ անցյալ տարի Երեւանում բնակվող 49-ամյա մի տղամարդու առեւանգել ու ծեծի են ենթարկել: Նախնական տվյալներով՝ տղամարդը ցանկացել է հիմնել գիշերային ակումբ, ուր պետք է այցելեին արտասահմանցի զբոսաշրջիկներ։

Օգոստոսի կեսերին Երեւանի բնակիչ Նարեկ Սարգսյանի թիկնազորի ղեկավարը՝ Արտեմ Պողոսյանը, նրան հրավիրել է հանդիպման։ Մայրաքաղաքի Թումանյան-Նալբանդյան փողոցների խաչմերուկում Պողոսյանն այլ անձանց հետ տղամարդուն առեւանգել է ու նրա կամքին հակառակ տեղափոխել Նարեկ Սարգսյանի բնակության շենքի նկուղ:

Այստեղ տղամարդուն ծեծել են, Սարգսյանը ատրճանակով սպառնացել է, որ կկրակի, ապա գազայրիչով վառել է մարմնի տարբեր մասերը՝ պատճառելով վնասվածքներ: Այնուհետեւ նրան տեղափոխել են Նորագավիթում գտնվող «Սկանյա» բեռնատարների սպասարկման սրահի վարչական շենք ու կրկին ծեծել։

Տղամարդուն բաց են թողել, երբ նա հավաստիացրել է, որ գիշերային ակումբների գործունեությամբ այլեւս չի զբաղվելու: Հանցագործության մասին նախկինում չի հայտնվել: Ոստիկանության քրեական հետախուզության գլխավոր վարչությունում նախապատրաստված նյութերն ուղարկվել են գլխավոր դատախազություն՝ քննության հետագա ընթացքը որոշելու։

Հիշեցնենք, որ 31-ամյա Նարեկ Սարգսյանը միջպետական հետախուզման մեջ է, իսկ նրա անվտանգության ղեկավար 28-ամյա Արտեմ Պողոսյանն այլ քրեական գործի շրջանակում կալանավորված է:

Տպել
Կարդացեք նաև
Ամբողջը
Չեչնիայում ոստիկանների վրա հարձակվողները 11-17 տարեկան են եղել
Նրա խոսքով՝ «Իսլամական պետությունը» հատուկ ծրագրեր է մշակել, որոնք դեռահասներին ծայրահեղական...
«Կինս վատ վիճակում էր, կապտած, իսկ բժիշկը հեռախոսով խաղ էր խաղում». պատմում է մահացած ծննդկանի ամուսինը
Երեւանի «Սլավմեդ» բժշկական կենտրոնում ապրիլի 24-ին կեսարյան հատումից հետո մայիսի 8-ին «Արմենիա» ԲԿ-ում մահացած Կարինե Ալեքսանյանի...
Ուգանդայում ոստիկանությունը հյուրանոցի աշխատակցի վրա հանուն Հիսուս Քրիստոսի հարձակվելու համար ձերբակալել է քահանային
Միսիոներ Ջիմի Թեյլորը Կամպալայում հարձակվել է Grand Imperial հյուրանոցի աշխատակցի վրա...
Մոսկվայի քաղաքային դատարանը կալանքի տակ է թողել Խաչատրյան քույրերին
Քույրերի ազգականները մամուլին պատմել են Խաչատրյանի բռնությունների մասին...
Թուրքիայում ձերբակալել են ԱՄՆ դեսպանատան ուղղությամբ կրակ բացելու մեջ կասկածվող երկու անձի
Հարձակվողները հասցրել են 4-5 կրակոց արձակել, ինչից հետո ավտոմեքենայով փախուստի են դիմել...
Գառնիում հոր եւ որդու դանակահարության դեպքի առիթով քրեական գործ է հարուցվել
Պարզվել են դեպքի՝ էական նշանակություն ունեցող մի շարք հանգամանքներ...
Partner news