ԱՄՆ Միսուրի նահանգում Թեյբլ Ռոք լճում որսորդական նավի կործանման հետեւանքով զոհերի թիվ աճել է՝ հասնելով 11-ի, հայտնում է BNO News-ը:
Ավելի վաղ հաղորդվում էր 8 զոհվածի մասին:
Սթոուն շրջանի շերիֆը հայտնել է, որ նավում ընդհանուր 31 մարդ է եղել, ներառյալ երեխաներ:
Նավաբեկությունից հետո 7 մարդ հոսպիտալացվել է:
Պատահարի պատճառը, ենթադրաբար, ուժգին քամին էր, որը լճում փոթորիկ է առաջացրել: Քամու արագությունը հասել է ժամում գրեթե 100 կիլոմետրի: